Дональд Трамп: Зеленский тинчлик ўрнатишни хоҳлаётганини айтди

ASTANA. Kazinform – АҚШ президенти Дональд Трамп билан суҳбатлашган Владимир Зеленский тинчликка эришмоқчи эканлигини айтди. Бу ҳақда Ақ уй раҳбари Truth Social ижтимоий тармоғида ёзди, деб хабар беради ТАСС.

“Ҳозиргина Украина президенти Владимир Зеленский билан гаплашдим. Суҳбат жуда яхши ўтди. У (Россия президенти Владимир) Путин каби ярашмоқчи. Биз уруш ҳақида, асосан, жума куни Мюнхендаги учрашув ҳақида кўп гаплашдик. У ерда вице-президент Жей Вэнс ва Давлат котиби Марко Рубио делегацияга (АҚШнинг Мюнхен хавфсизлик конференциясига) бошчилик қилади. Умид қиламанки, бу учрашувнинг натижаси ижобий бўлади. Оммавий ва мутлақо кераксиз ўлим ва ҳалокатга олиб келадиган бу бемаъни урушни тугатиш вақти келди.

Худо Россия ва Украина халқини қўллаб-қувватласин”, – деб ёзган Дональд Трамп.

Аввалроқ Трамп Россия президенти Владимир Путин билан телефон орқали мулоқот қилгани хабар қилинганди.