Дональд Трамп учинчи жаҳон урушининг олдини олишга ваъда берди
ASTANA. Kazinform – АҚШнинг собиқ президенти Дональд Трамп ҳозирда дунёга яқинлашиб келаётган учинчи жаҳон урушининг олдини олишга ваъда берди. Бу ҳақда Kazinform агентлиги ТАССга таяниб хабар беради.
“Мен учинчи жаҳон урушининг олдини оламан. Биз учинчи жаҳон урушига жуда яқинмиз ва бу уруш ҳеч бир бошқасига ўхшамайдиган уруш бўлади”, - деди у пайшанба куни тарафдорлари олдида қилган чиқишида.
Трансляция RSBN консерватив медиа компаниясининг каналида жонли эфирда намойиш этилди.
Трамп, шунингдек, Оқ уйдаги “Овал кабинетга етиб боргунга қадар” тинчликни тиклаши, жумладан, Украина ва Россия ўртасидаги можарони ҳал этиши мумкинлигини таъкидлади.
Аввалроқ Трамп агар қайта сайланса, Украинадаги можарони 24 соат ичида ҳал этиш ниятида эканини айтганди.
АҚШда навбатдаги президентлик сайловлари ноябрь ойида бўлиб ўтади. 2023 йил 25 апрелда Америка етакчиси Жо Байден юқори ҳукумат лавозимига қайта сайланиш истагини билдирган эди. Трамп сайлов пойгасида иштирок этишини 2022 йил ноябрда маълум қилганди.
