Дональд Трамп расман президентликка номзод бўлди
ASTANA. Kazinform — Пайшанба куни Республикачилар партиясининг миллий қурултойининг сўнгги кунида Дональд Трамп Милуокида нутқ сўзлади ва йиғилганлар томонидан олқишланди. Бундан ташқари, у президентликка номзодини расман қабул қилди, деб ёзади ABC News.
Трамп шанба куни Пенсильваниядаги ҳужумдан кейин илк бор Республикачилар партиясидан президентликка номзодликни қабул қилиш учун маҳаллий вақт билан соат 22:30 да саҳнага чиқди.
"Мен Американинг ярмини эмас, бутун Америка учун курашаман, чунки Американинг ярми учун ғалаба қозониш ғалаба саналмайди", - деди Дональд Трамп.
Трамп шанба кунги ҳужумдан кейин қўллаб-қувватлаганларга миннатдорчилик билдирди. Д.Трамп Пенсильваниядаги отишма пайтида йиғилганлар ваҳима ичида қочиб кетмаганини қайд этди.
Уларнинг аксарияти жасорат кўрсатиб, снайпер қаерда бўлиши мумкинлигини қидира бошлади. Буни номзод ортида турган гуруҳга қараб кўриш мумкин. Ҳеч ким югурмади, ва бу туфайли кўп одамлар тирик қолди.
Д.Трампнинг нутқи 1 соат 33 дақиқа давом этди. Бу тарихдаги президентликка номзодлик ҳақидаги энг узун нутқ бўлди. Аввалги рекорд 1 соату 15 дақиқани ташкил этган бўлиб, уни 2016 йилда ҳам Д.Трамп ўрнатган эди.
