Дональд Трамп Нобель мукофотига номзод бўлди

ASTANA. Kazinform - АҚШнинг собиқ президенти Дональд Трамп Нобель мукофотига номзод бўлди. Уни ушбу мукофотга АҚШ Конгресси Вакиллар палатаси аъзоси Клаудия Тенни (Нью-Йоркдан республикачи) номзод қилиб кўрсатди, деб хабар беради Fox news сайти.

Трампга мукофотни “Авраам келишувлари”ни – Исроил ва БАА ҳамда Баҳрайн ўртасидаги муносабатларни тиклашга қаратилган ҳужжатни имзолашга ёрдам бергани учун бериш таклиф қилинди.

Трамп аввалроқ уч марта, жумладан, “Авраам келишувлари”га қўшган ҳиссаси учун юқорида тилга олинган мукофотга номзод бўлган.

Нобель тинчлик мукофоти совриндорлари октябрь ойида эълон қилинади.