Дональд Трамп Илон Маскка интервью беради
ASTANA. Kazinform - Республикачилар партиясидан президентликка номзод Дональд Трамп душанба куни Илон Маскка интервью беришини маълум қилди. Бу ҳақда Kazinform ТАССга таяниб хабар беради.
"Мен душанба куни кечқурун Илон Маскка интервью бераман", - деб ёзди у Truth Social ижтимоий тармоғидаги саҳифасида.
Трамп ва Маск ўртасидаги бўлажак суҳбат формати ва мавзулари ҳақида ҳозирча маълумот берилмаган.
Бундан ташқари, Трамп ўтган душанба куни стример Эдин Росс билан берган интервьюси туфайли Kick стриминг платформаси томошабинлар сони бўйича рекорд ўрнатганини айтди.
Июль ойида Маск Х (собиқ Twitter)да Трампни президентлик пойгасида қўллаб-қувватловчи баёнотини эълон қилди. АҚШда навбатдаги президентлик сайловлари 5 ноябрда бўлиб ўтади.
ТАСС ҳамкор агентлиги томонидан Kazinform учун махсус тақдим этилган.
