Дональд Трамп Хитойга божларни 145 фоизга оширди
ASTANA. Kazinform – АҚШнинг Хитойдан импорт қилинадиган товарларга божлари 125 эмас, 145 фоизни ташкил қилади, деб ёзди Оқ уй. Аввалроқ Пекин АҚШга нисбатан тарифларни 84 фоизга оширган эди, деб хабар беради DW.
Оқ уй, 10 апрель куни тушунтирганидек, бир кун олдин эълон қилинган 125 фоизни март ойида киритилган 20 фоизга қўшиш керак, деб хабар берди Ғарб ахборот агентликлари ва оммавий ахборот воситалари.
Шундай қилиб, Хитой учун умумий тарифлар 145 фоизни ташкил этади.
Трамп тарифларнинг ошишини Пекиннинг фентанил дори савдосига нисбатан ҳаракатсизлиги билан изоҳлади. Шунингдек, у Пекинни жаҳон бозорига “етарлича ҳурмат кўрсатмаётганликда” айблади.
АҚШ Хитой товарларига божларни икки баравар ошириб, 20 фоизга кўтаришига жавобан Пекин АҚШ товарларига божларни 34 фоиздан 84 фоизга оширишини эълон қилди.
Сўнгги ҳафталарда Дональд Трамп Қўшма Штатларга, жумладан, Европа Иттифоқидан импорт қилинадиган турли товарларга бир қатор савдо тарифларини жорий қилди.
9 апрель куни АҚШ президенти кўплаб давлатларга божхона тўловларини жорий қилишни 90 кунга тўхтатди, бироқ бу ҳаракат Хитойга тааллуқли эмас эди. Аксинча, ХХР учун 125 фоизлик тариф эълон қилинди.
