Доҳада Қозоғистон ва Қатар ўртасида ҳарбий ҳамкорлик тўғрисидаги битим имзоланди
Қозоғистон Мудофаа вазири генерал-полковник Руслан Жақсилиқов бошчилигидаги ҳарбий делегация Қатар Бош вазири ўринбосари – Мудофаа ишлари бўйича давлат вазири Холид бин Муҳаммад ал-Аттиянинг таклифига биноан Доҳага ташриф буюрди. Бу ҳақда Kazinform агентлиги вазирлик матбуот хизматига таяниб хабар беради.
Бу йил мамлакатлар дипломатик муносабатлар ўрнатилганининг 30 йиллигини нишонлади.
Томонлар ўзаро манфаатли ҳарбий ҳамкорликнинг истиқболли йўналишларини муҳокама қилдилар.
Қозоғистон Мудофаа вазири учрашув муҳимлигини, унинг фикрича, мудофаа вазирликлари ўртасидаги икки томонлама ҳамкорлик тарихидаги муҳим босқичга айланишини таъкидлади.
Музокаралар якунлари бўйича Қозоғистон Республикаси ва Қатар Давлати ҳукуматлари ўртасида ҳарбий ҳамкорлик тўғрисидаги битим имзоланди.
