Димаш Қудайберген учта композиция билан «Йил қўшиғи»да иштирок этди
Бу коронавирус пандемияси сабабли карантиндан кейинги Россиядаги биринчи кенг кўламли концерт.
5 декабрь куни бўлиб ўтган оқшомда Димаш учта қўшиқни ижро этди: «Там, где живет любовь», «Your Love» ва янги «Я скучаю по тебе» қўшиқлари мухлисларининг ҳайратига сабаб бўлди. Қўшиқчи ва Dears (мухлислар) бир-бирларини жуда соғинишгани аниқ ҳис қилинди.
«Мен ҳозир бошдан кечираётган нарса - бу мисли кўрилмаган эйфория туйғуси. Айнан шу лаҳзада «сўз билан етказа олмайман» иборасини айтиш ўринли бўлади. Мен 9 ойдан бери саҳнага чиқмаганман ва шунинг учун яна бир бор томошабинлар олдида чиқиш қилишдан жуда хурсандман, айниқса, ушбу қийин даврда. Мени қўллаб-қувватлашга келганларингиз учун ташаккур. Мен барчани яхши кўраман ва сизларни жуда соғиндим!», - деди у.
Димашнинг ижодини кўришга турли шаҳарлардаги ишқибозлари Москвага «Йил қўшиғи» концертига келишган. Шунингдек, улар узоқ кутилган учрашувдан олган таассуротлари билан ўртоқлашдилар. Уларнинг сўзларига кўра, Димаш ажойиб тарзда ижро этган.