Деворга ёпиштирилган банан 6,2 миллион долларга сотилди

ASTANA. Kazinform – Sotheby's аукцион уйи чоршанба куни деворга ёпиштирилган банандан иборат санъат асари ким ошди савдосида крипто-тадбиркор Жастин Санга 6,2 миллион долларга сотилганини маълум қилди, деб хабар беради Reuters.

Италиялик рассом Маурицио Каттеланнинг «Комедиан» асари 2019 йилда Art Basel Майами кўргазмасида илк бор дебют қилганида санъат оламини ҳайратда қолдирди.

Чоршанба куни Нью-Йоркдаги Sotheby's кимошди савдосига қўйилганидан кейин беш дақиқа ичида дастлабки таклиф 800 минг доллардан 5,2 миллион долларга кўтарилди. Ушбу миқдорга харидорнинг мукофоти (комиссия) ҳам қўшилади.

Sotheby's маълумотларига кўра, якуний нарх дастлабки ҳисобланган 1,5 миллион доллардан сезиларли даражада ошган.

Асарни хитойлик коллекциячи ва Tron платформаси асосчиси Жастин Сан сотиб олган.

Artnet.com сайтининг ёзишича, агар мева шикастланган бўлса, харидор бананни ўзи алмаштиради.

"Бу шунчаки санъат асари эмас. Бу санъат, мемлар ва криптовалюта ҳамжамиятларини боғлайдиган маданий ҳодиса бўлади. Ишончим комилки, бу иш келажакда янгича фикрлаш ва мунозаралар яратиб, тарихнинг бир қисмига айланади”, – деди Сан.