Дэвид О'Салливан Қозоғистон ва Европа Иттифоқи ўртасида виза режимининг соддалаштирилгани ҳақида фикр билдирди
ASTANA. Kazinform – Европа Иттифоқининг санкциялар бўйича махсус вакили Дэвид О'Салливан Астанада бўлиб ўтган матбуот анжуманида Қозоғистон ва Европа Иттифоқи ўртасида виза режимини юмшатиш бўйича ўз фикрини билдирди.
“Умуман олганда, Қозоғистон ва Европа Иттифоқи ўртасидаги муносабатлар яхши ривожланмоқда. Биз муҳим ҳамкормиз. Европа Иттифоқи Қозоғистон учун асосий савдо ҳамкори ва тўғридан-тўғри хорижий сармояларнинг асосий манбаи ҳисобланади. Шунингдек, ушбу ҳамкорлик доирасида биз икки давлат ўртасидаги иқтисодий ҳамкорликни ривожлантирамиз", – деди у.
Европа Иттифоқи вакили икки давлат ўртасида виза режимини енгиллаштириш масаласи бўйича музокаралар бошланганини таъкидлади.
“Биз виза режимини соддалаштириш бўйича музокараларни бошлаганимиздан мамнунмиз. Бу ҳамкорлик алоқаларини янада мустаҳкамлашга хизмат қилади”, – деди Дэвид О'Салливан.
