Дени Сассу-Нгессо Қозоғистонни Конгонинг нефть секторига сармоя киритишга таклиф қилди

АSTANA. Кazinform - Конго Республикаси Президенти Дени Сассу-Нгессо Ақорда Давлат раҳбари Қасим-Жомарт Тоқаев билан музокаралар якунлари бўйича ўтказилган матбуот брифингида Қозоғистонни Конго нефть секторига сармоя киритишга таклиф қилди.

“Мамлакатимнинг иқтисодиёти Қозоғистон каби асосан нефть секторига таянади. Бу соҳада ўзини исботлаган тажрибага эга Қозоғистон Конго операторларининг ҳиссадорлик капиталига сармоя киритиш орқали фойда кўришга қодир. Мамлакатимиз бошқа ресурсларга, жумладан, тоғ-кон саноатига ҳам бой. Масалан, Пуэнт-Нуар денгизи ҳудудида жуда кўп фосфат ва калий мавжуд. Газ, фосфат ва калий карбонатининг мўл захираларига эга Конго энди қишлоқ хўжалиги ҳосилдорлигини ошириш учун ўғит ишлаб чиқариш имкониятларини кўриб чиқиши мумкин”, — деди Конго Президенти.

Унинг сўзларига кўра, Конгода қишлоқ хўжалигини интенсив ривожлантириш учун бепоён ер, ёш ишчи кучи, унумдор тупроқ, мўл қуёш ва ёғингарчилик мавжуд.

“Тараққиёт лойиҳаларини амалга ошириш фаолиятимизнинг асосий йўналишларидан биридир. Шу билан бирга, гап ГЭС, юқори технологияли саноат объектлари, замонавий мажмуалар, турар жой бинолари каби энергетика инфратузилмаларини қуриш ҳақида бормоқда”, — деди Дени Сассу-Нгессо.