Давлат раҳбари Владимир Путин билан телефон орқали мулоқот қилди

ASTANА. Кazinform - Давлат раҳбари Россия Президенти Владимир Путин билан телефон орқали мулоқот қилди. Суҳбат чоғида Қасим-Жомарт Тоқаев Москва вилоятида содир бўлган теракт муносабати билан Владимир Путинга ва қардош Россия халқига Қозоғистон халқи номидан ҳамдардлик билдирди.

“Давлат раҳбари тинч аҳолига нисбатан зўравонликни кескин қоралашини ва терроризмга қарши курашда Россия билан бирга эканини яна бир бор тасдиқлади. Ўз навбатида Владимир Путин Қасим-Жомарт Тоқаевга қўллаб-қувватлагани учун миннатдорчилик билдирди”, — дейилади хабарда.