Давлат раҳбари Туркманистон Президенти билан учрашди
ASTANA. Кazinform – Қасим-Жомарт Тоқаев Туркманистонга амалий ташрифи доирасида Сердар Бердимуҳамедов билан учрашди. Бу ҳақда Ақорда хабар берди.
Давлат раҳбари Туркманистон Президентига самимий қабул ва меҳмондўстлик учун миннатдорчилик билдирди. Шунингдек, у Қозоғистон-Туркманистон муносабатлари дўстлик, яхши қўшничилик ва ўзаро қўллаб-қувватлашга асосланган юқори даражада эканлигини таъкидлади.
Учрашув давомида томонлар ҳамкорликнинг барча соҳаларида ижобий динамикани қайд этдилар.
Давлат раҳбарлари илгари эришилган келишувларни, шунингдек, энергетика, саноат, қишлоқ хўжалиги, транспорт ва бошқа соҳаларда истиқболли қўшма лойиҳаларни амалга оширишни муҳокама қилишди.
Бундан ташқари, маданий-гуманитар алоқаларни кенгайтиришга алоҳида эътибор қаратилди.
Кейинги қўшма тадбирлар жадвали ҳам кўриб чиқилди.
Эслатиб ўтамиз, Президент Марказий Осиё ва Озарбайжон давлат раҳбарларининг VIII Маслаҳат учрашувида иштирок этди.
