Давлат раҳбари ШУАР Халқ ҳукумати раиси Эркин Туниёзни қабул қилди
ASTANА. Кazinform - Шинжон-Уйғур автоном райони ХКП партия қўмитаси котиби ўринбосари, ШУАР Халқ ҳукумати раиси Эркин Туниёзни қабул қилди. Бу ҳақда Ақорда матбуот хизмати хабар берди.
- Яқинда Урумчига бордим. Умуман олганда, Қозоғистон ва Хитой ўртасидаги ҳамкорликни ривожлантириш истиқболлари, жумладан, Шинжон райони билан боғлиқ муҳим музокаралар олиб бордик. Биз Хитойнинг иқтисодий ўсишини диққат билан кузатиб борамиз ва унинг жадал ривожланиши ва бу йўналишдаги ютуқларини алоҳида таъкидлаймиз. Хитой иқтисодий тараққиёти бўйича дунёда етакчи давлатлардан бири ҳисобланади. Шундай экан, биздек қўшни давлат билан ҳамкорликни ривожлантириш самарали ва зарурдир. Қозоғистонга келсак, биз бу ҳамкорликни муваффақиятли ривожлантириш учун барча имкониятларни ишга соламиз, - деди Президент.
Давлат раҳбари мамлакат Шинжон билан савдо, саноат, транспорт, логистика, қишлоқ хўжалиги, туризм каби кўплаб соҳаларда муваффақиятли алоқалар ўрнатганини таъкидлади.
Қасим-Жомарт Тоқаевнинг сўзларига кўра, ушбу минтақа Қозоғистон ва ХХР ўртасидаги кўп қиррали муносабатларни мустаҳкамлашда стратегик рол ўйнайди.
Эркин Туниёз Қасим-Жомарт Тоқаевга меҳмондўстлиги учун миннатдорчилик билдирди.
– “Уч ёвуз куч”га қарши кураш ва ушбу минтақада барқарорликни сақлашга қўшган ҳиссангиз учун Сизга миннатдорчилик билдираман. Хитой ва Қозоғистон ўртасидаги дўстлик тарихи чуқурдир. Президент Си Цзиньпиннинг стратегик раҳбарлиги ва Сизнинг қўллаб-қувватлашингиз остида “Бир макон, бир йўл” ташаббуси ва “Нурли йўл” иқтисодий ривожланиш дастури муваффақиятли бирлаштирилди. Икки давлат ўртасида абадий ва кенг қамровли стратегик шериклик ўрнатилган. Эслатиб ўтамиз, ўтган йилнинг март ойида Шинжон-Уйғур автоном райони партия қўмитаси котиби Ма Синжуй бошчилигидаги делегация Қозоғистонга келиб, жуда муҳим келишувларга эришган эди. Ўтган йилнинг октябрь ойида Шинжон-Уйғур автоном районига ташриф буюрдингиз. Бу ўзаро ҳамкорлигимизни янада ривожлантиришга янги суръат бағишлади, - деди ШУАР Халқ ҳукумати раиси.
Қасим-Жомарт Тоқаев Шинжон Халқ ҳукумати раисининг Қозоғистонга ташрифи минтақалараро ҳамкорлик ва чегарага яқин ҳудудларнинг ўзаро ҳамкорлигини янада ривожлантиришга хизмат қилишига ишонч билдирди.
