Давлат раҳбари “Родина” қишлоғини бориб кўрди
ASTANA. Kazinform - Давлат раҳбарининг Ақмола вилоятига амалий ташрифи “Родина” қишлоғидаги маданият уйига ташриф билан давом этди, дея хабар беради Kazinform агентлиги Ақордага таяниб.
Умумий майдони 1563 квадрат метр бўлган бинода хореография ва спорт заллари, овоз ёзиш студияси ва тўгараклар мавжуд. Шунингдек, муассасада турли ижодий гуруҳлар ва спорт тўгараклари фаолият кўрсатиб, уларда 400 нафардан ортиқ маҳаллий аҳоли иштирок этмоқда.
“Родина” агрофирмаси бош директори Иван Сауэр Президентга амалга оширилаётган ижтимоий лойиҳалар ҳақида сўзлаб берди. Ўтган йили корхона томонидан тадбиркорликнинг ижтимоий масъулияти доирасида қишлоқни қўллаб-қувватлаш ва ободонлаштириш учун 791 миллион тенге маблағ ажратилди.
Давлат раҳбари маданият уйи санъаткорлари ижросидаги «Достық шуағы» композициясини томоша қилди, аҳоли билан суҳбатлашди.
- Ҳаммани табриклайман. Мен бугун махсус келдим, Иван Адамович Сауэрнинг хўжалиги ҳақида кўп эшитдим. У ҳар сафар ваъда бердим, лекин ҳозир келишнинг имкони туғилди. Фермер хўжалиги улкан, ҳар томонлама илғор. Барчага бахт ва фаровонлик тилайман, — деди Қасим-Жомарт Тоқаев.
Бундан ташқари, Президент «Наша родина» супермаркети, «Достық» истироҳат боғи ва ҳудуддаги умумтаълим мактабини кўздан кечирди.
