Давлат раҳбари Олий аудитор палатаси раиси Алихан Смаиловни қабул қилди

ASTANА. Кazinform – Қабул чоғида давлат аудити ва молиявий назорат тизими самарадорлигини янада ошириш масалалари муҳокама қилинди. Бу ҳақда Ақорда матбуот хизмати хабар берди.

Президент Олий аудитор палатасига республика ва маҳаллий миқёсда бюджет маблағлари ва давлат активларидан самарали ва оқилона фойдаланиш устидан қатъий назоратни таъминлаш вазифаси юкланганини таъкидлади.

Алихан Смаилов давлат аудити тизимини янада ривожлантириш бўйича ўз фикр-мулоҳазаларини билдирди, шунингдек, палатанинг жорий йилги режаси ҳақида маълум қилди.

Қасим-Жомарт Тоқаев Алихан Смаиловнинг бой тажрибаси ва касбий малакаси юклатилган вазифани сифатли бажаришга хизмат қилишига ишонч билдирди.