Давлат раҳбари Малайзия Бош вазири Анвар Иброҳим билан учрашди

ASTANА. Кazinform - Давлат раҳбари кичик таркибдаги учрашув чоғида Малайзияни Қозоғистоннинг Жануби-Шарқий Осиёдаги муҳим ва ишончли ҳамкорларидан бири деб атади, деб хабар беради Ақорда матбуот хизмати.

– Қозоғистон ва Малайзияни узоқ йиллик дўстлик ва ўзаро ҳамкорлик боғлаб туради. Бу йўналишда бизда яхши анъана бор. Шу боис, ташрифингиз икки давлат ўртасидаги муносабатларни янада ривожлантиришга янги суръат бағишлайди, деб ўйлайман. Биз кўплаб муҳим йўналишларда ўзаро шериклик ва ҳамкорлигимизни янада мустаҳкамлаш учун қўшимча саъй-ҳаракатларни амалга оширишга тайёрмиз, — деди Қасим-Жомарт Тоқаев.

Президентнинг таъкидлашича, дипломатик муносабатлар ўрнатилган ўттиз йил давомида икки давлат ўртасида ўзаро манфаатли ҳамкорликнинг мустаҳкам пойдевори шаклланди. Ҳозирги геосиёсий ва иқтисодий вазиятдан келиб чиқиб, давлатлар ўртасидаги муносабатларни янада мустаҳкамлашнинг аҳамияти ортди.

Анвар Иброҳим Давлат раҳбарига кўрсатган эҳтироми учун миннатдорчилик билдириб, ушбу ташрифга катта аҳамият беришини таъкидлади. У билан катта гуруҳда Астанага келган Малайзия делегацияси бунинг ёрқин далилидир.

Суҳбат чоғида Қасим-Жомарт Тоқаев ва Анвар Иброҳим сиёсий, савдо-иқтисодий, сармоявий ва гуманитар соҳалардаги ҳамкорликни кенгайтириш йўлларини кўриб чиқдилар. Томонлар минтақавий ва халқаро кун тартибидаги долзарб масалалар юзасидан ҳам фикр алмашдилар.

Шундан сўнг музокаралар кенгайтирилган таркибда давом этди.