Давлат раҳбари куйчи Абдимўмин Желдибаевнинг яқинларига ҳамдардлик билдирди

ASTANА. Кazinform - Президент Қасим-Жомарт Тоқаев моҳир куйчи, бастакор, «Парасат», «Құрмет», «Достық» орденлари соҳиби Абдимўмин Желдибаевнинг оила аъзолари ва яқин қариндошларига ҳамдардлик билдирди, деб хабар беради Ақорда матбуот хизмати.

– Абдимўмин Желдибайули муқаддас санъат уфқларини кенгайтирган истеъдодли устоз эди. У бутун онгли ҳаётини миллий меросимизни тарғиб этишга бағишлаб, мамлакатимиз маданияти ва маънавиятини юксалтиришга алоҳида ҳисса қўшди. «Ерке сылқым» каби жўшқин куйлари билан халқ меҳрини қозонган. Эзгу ҳаёт кечириб, бой мусиқий мерос қолдирган Абдимўмин Желдибайлининг ёрқин сиймоси халқимиз қалбида мангу сақланиб қолади. Марҳумнинг иймони саломат, руҳи жаннатда бўлсин, - дейилади телеграммада.