Давлат раҳбари “ҚазМунайГаз” МК” АЖ бошқаруви раиси Мағзум Мирзағалиевни қабул қилди

ASTANА. Кazinform - Мағзум Мирзағалиев Қасим-Жомарт Тоқаевга компаниянинг 2023 йилдаги операцион ва молиявий фаолияти якунлари тўғрисида ҳисобот берди. Бу ҳақда Ақорда матбуот хизмати хабар берди.

Маълумотларга кўра, ўтган йили “ҚазМунайГаз” 2022 йилга нисбатан асосий ишлаб чиқариш кўрсаткичларини оширишга эришган.

Президентга Қозоғистон нефть экспорти йўналишларини ривожлантириш ҳақида маълумот берилди. Хусусан, хомашё Боку-Тбилиси-Жайҳон нефт қувури орқали Германия ва Озарбайжонга етказилди. Шунингдек, Бирлашган Араб Амирликларидаги ҳамкорлар билан ҳамкорликда танкерлар паркини кенгайтириш ишлари амалга оширилди.

Давлат раҳбарига товар газини ишлаб чиқаришни кўпайтириш ва ички бозорни нефть маҳсулотлари билан узлуксиз таъминлаш, шунингдек, инвестицияларни жалб этиш, нефть ва газ кимёси лойиҳаларини ривожлантириш бўйича вазифаларнинг бориши ҳақида маълумот берилди.

Бундан ташқари, Мағзум Мирзағалиев “Қаламқас-Тенгиз, Хазар, Ауезов” миллий компаниясининг Каспий денгизининг Қозоғистон секторида геология-қидирув дастури қандай давом этаётгани ҳақида маълум қилди.

Бундан ташқари, Қасим-Жомарт Тоқаевга “ҚазМунайГаз” корхоналари жойлашган ҳудудларда амалга оширилаётган ижтимоий лойиҳалар ҳақида сўзлаб берилди. Жумладан, Президентга “Астрахан-Манғишлоқ” магистрал сув қувурини реконструкция қилиш лойиҳаси (I босқич) якунлангани ва Манғистаунинг Жанаўзен шаҳри эҳтиёжлари учун янги сувни чучуклаштириш заводи қурилиши бошлангани ҳақида маълумот берилди.

Учрашув якунида Давлат раҳбари инвестиция лойиҳаларини амалга ошириш, углеводород хомашёсини экспорт қилиш йўналишларида барқарорликни таъминлаш, геология-қидирув ишлари кўламини кенгайтириш бўйича қатор аниқ топшириқлар берди. Президент миллий компаниянинг нефть ва газ кимёсини ривожлантиришга қаратилган ишларига алоҳида эътибор қаратиш зарурлигини таъкидлади.