Давлат раҳбари Черногория Президентига ҳамдардлик билдирди
ASTANA. Kazinform - Қозоғистон Президенти Қасим-Жомарт Тоқаев Черногория Президенти Яков Милатовичга ҳамдардлик телеграммаси йўллади, дея хабар беради Kazinform агентлиги Ақордага таяниб.
Қасим-Жомарт Тоқаев Цетине шаҳрида кўплаб инсонлар, жумладан, болаларнинг ҳаётига зомин бўлган фожиали воқеа ҳақидаги хабарни чуқур қайғу билан қабул қилди.
Президент Черногория халқи ва ҳалок бўлганларнинг оила аъзоларига самимий ҳамдардлик билдирди, шунингдек, жабрланганларнинг тез орада соғайиб кетишини тилади.
Эслатиб ўтамиз, Цетине шаҳрининг тарихий марказида бир киши ўт очган. Бардаги отишмадан кейин у ташқарига чиқиб, ўткинчиларга қарата ўқ узишни давом эттирган. Мамлакат ички ишлар вазири Данило Сарановичга кўра, натижада камида 10 киши ҳалок бўлган. Мамлакатда уч кунлик мотам эълон қилинди.
Аввалроқ Қасим-Жомарт Тоқаев Жозеф Байденга Янги Орлеандаги фожианинг кўплаб қурбонлари муносабати билан ҳамдардлик билдирди.
