Давлат раҳбари Бразилия Президентига ҳамдардлик телеграммаси йўллади

ASTANA. Kazinform - Қасим-Жомарт Тоқаев Бразилиянинг Сан-Паулу штатида йўловчи самолётининг қулаши ва кўплаб инсонларнинг ҳалок бўлиши муносабати билан Президент Луис Инасиу Лула да Силвага ҳамдардлик билдирди. Бу ҳақда Ақорда матбуот хизмати хабар берди.

«Шундай оғир дамларда қайғуларингизга шерик бўламан, Қозоғистон халқи ва шахсан ўз номимдан Сизга ва яқинларини йўқотган оилаларга, шунингдек, дўст Бразилия халқига ҳамдардлик билдираман», – дейилади телеграммада.

Эслатиб ўтамиз, кеча Бразилиянинг Сан-Паулу яқинида Voepass компаниясининг йўловчи самолёти ҳалокатга учрагани ҳақида хабар берилган. Компания маълумотларига кўра, самолётда 61 киши бўлган. Маҳаллий ҳукумат йўловчилар ва экипаж аъзоларидан ҳеч бири омон қолмаганини маълум қилди.