Давлат раҳбари Болгария Республикаси Президентига табрик телеграммаси йўллади

ASTANА. Kazinform - Қасим-Жомарт Тоқаев Румен Радевни Болгария Республикасининг миллий байрами – Озодлик куни билан табриклади, дея хабар беради Ақорда матбуот хизмати.

– Бугун Болгария Европа Иттифоқининг фаол аъзоси сифатида ўзининг барқарор ривожланиши ва халқаро ҳамжамиятдаги обрў-эътиборини ошириш йўлида сезиларли муваффақиятларга эришмоқда. Шу ўринда раҳбарлигингизда давлатингиз юксак марраларни забт этишини тилайман. Астана ва София ўртасидаги анъанавий дўстлик ва ўзаро ёрдамга асосланган ҳамкорлик кўлами йилдан-йилга кенгайиб бораётганини миннатдорлик билан қайд этаман. Ишончим комилки, биргаликдаги саъй-ҳаракатларимиз туфайли мамлакатларимизнинг кўп қиррали муносабатлари келажакда янада мустаҳкамланади, – дейилади телеграммада.

Давлат раҳбари Болгария Президентининг ўта масъулиятли лавозимида муваффақиятлар, дўст болгар халқига эса омад тилади.