Дамашқ аэропорти 13 йил ичида Қатардан биринчи рейсни қабул қилди

ASTANА. Кazinform — Сешанба куни Дамашқ халқаро аэропорти 13 йил ичида Қатардан биринчи фуқаролик рейсини қабул қилди. Бу ҳақда аэропорт вакиллари маълум қилди, дея хабар беради Xinhua ахборот агентлиги.

Собиқ Сурия ҳукумати давридаги кескинлик туфайли тўхтатилган йўналиш декабрь ойида ҳокимият алмашганидан бир неча ҳафта ўтиб қайта тикланди. Бу Суриянинг янги ҳукумати ва Доҳа ўртасидаги муносабатларнинг илиқлашишини кўрсатиши мумкин.

Кейинги парвозлар ёки кенгайтирилган хизмат жадваллари ҳақида батафсил маълумот ҳали эълон қилинмаган.

Башар Асад ҳокимиятдан ағдарилганидан сўнг Сурия ўтиш даври ҳукуматининг янги ташқи ишлар вазири Асаад Ҳасан аш-Шибоний Доҳага бориб, Қатар Бош вазири ва Ташқи ишлар вазири шайх Муҳаммад бин Абдулраҳмон бин Жосим Ол Соний билан учрашди.

Ҳар икки томон музокараларни "чуқур ва кенг қамровли" деб таърифлаб, Сурияда қайта қуриш ва ўтиш жараёни учун умумий йўл харитасининг муҳимлигини таъкидлади.

Эслатиб ўтамиз, Сурия мухолифати Дамашқ Асад режимидан озод қилинганини эълон қилган эди. Бу ҳақда Сурия инсон ҳуқуқлари обсерваторияси хабар берди.

Кейинроқ Башар Асад президентликдан кетишга ва мамлакатни тарк этишга қарор қилгани маълум бўлди.

АҚШ Сурияга қарши санкцияларни юмшатиши ҳақида хабар берган эдик.

ЕИ Суриянинг янги режими билан алоқа ўрнатишга ҳаракат қилмоқда.