Дам олиш кунларида узоқ ухлаш юрак хасталиклари хавфини камайтиради

ASTANA. Kazinform - Хитой кардиологлари иш кунларидаги уйқусизликни дам олиш кунларида узоқ уйқу билан қоплаш юрак ва қон томирларининг соғлиғига фойдали таъсир кўрсатиши ва жиддий юрак етишмовчилигининг ривожланиш хавфини тахминан 19-20% га камайтириши ҳақида далилларни аниқладилар. Бу ҳақда Kazinform агентлиги TASSга таяниб хабар беради.

- Дам олиш кунларида уйқусизликнинг ўрнини тўлдириш юрак касалликларини ривожланиш хавфини камайтириш билан боғлиқдир. Ушбу статистик алоқа, айниқса, иш кунларида сурункали уйқусиз бўлганлар орасида яққол намоён бўлди, - деди Пекиндаги Миллий юрак маркази тадқиқотчиси Линь Чжанъюй, Европа кардиология жамияти (ESC) томонидан иқтибос келтирган ҳолда.

Кардиологлар Буюк Британиянинг UK BioBank геномик банкининг бир қисми сифатида тўпланган маълумотларни таҳлил қилиш чоғида шундай хулосага келишди. Уни яратишда Британия аҳолиси орасидан бир неча юз минг кўнгилли иштирок этди, ўз ДНК намуналарини тақдим этди ва кенг қамровли тиббий кўрикдан ўтишга ва тадқиқотчиларнинг саволларига жавоб беришга рози бўлди.

Ушбу лойиҳа доирасида олимлар Буюк Британиянинг 90 мингга яқин UK BioBank иштирокчилари учун уйқу давомийлигини иложи борича аниқроқ ўлчадилар, бунинг учун улар кўнгиллиларга узоқ вақт давомида кийиб юрган махсус акселерометрларни беришди. Хитойлик шифокорлар ушбу маълумотлардан уйқунинг давомийлиги, шунингдек, иш кунлари ва дам олиш кунлари уйқу тартиби узоқ муддатда (14 йил) юрак ва қон томирлар фаолиятига қандай таъсир қилишини баҳолаш учун фойдаланганлар.

Уларнинг таҳлиллари шуни кўрсатдики, атриял фибрилация, инсульт, юрак етишмовчилиги ва коронар артер касаллигининг ривожланиш эҳтимоли кўнгиллиларнинг дам олиш кунлари қанча вақт қўшимча уйқу ўтказганига кучли таъсир қилади ва шу билан иш кунларида уйқу етишмаслигини қоплайди. Ўртача бундай кундалик режим билан юрак ва қон томир касалликларини ривожланиш хавфи 19-20%га камайди ва доимий уйқусиз одамлар учун бу фойдали таъсир баъзи ҳолларда 30% га етди.

Бу таъсир, олимлар таъкидлаганидек, эркаклар ва аёллар учун бир хил даражада характерли бўлиб, барча ён омиллар ва генетик хусусиятлар ҳисобга олинса, у йўқолмади. Бу шуни кўрсатадики, иш кунларидаги уйқусизликни дам олиш кунларида узоқ вақт ухлаш орқали қоплаш юрак ва қон томирлари фаолиятига фойдали таъсир кўрсатади, дейди кардиологлар.