COVID-19: Нур-Султан шаҳрида эмланиш даражаси 67%-га етди

NUR-SULTAN. Kazinform – Қозоғистон пойтахтида коронавирус инфекциясига қарши эмлаш ишлари давом этмоқда. Бугунги кунга келиб аҳолини вакцинанинг биринчи компоненти билан қамраб олиш 67,2 фоизни, икки компонент кўрсатгичи эса 62,2 фоизни ташкил этади. Бу ҳақда Kazinform мухбирига Нур-Султан бош давлат санитария врачи Сархат Бейсенова маълум қилди.

«Бугунга қадар Нур-Султанда 478 мингдан ортиқ фуқаро вакцинанинг биринчи компонентини олган «, — дея изоҳ берди пойтахт бош санитария врачи.

Унинг айтишича, бу эмланиши кўзда тутилган аҳолининг 67 фоизини ташкил қилади. Шунингдек, шаҳарда 440 минг киши тўлиқ эмлаш курсидан ўтган.

Муаллиф: Арайлим Мурат