Чимкентлик болалар спортнинг 71 тури бўйича бепул шуғулланади
Болаларнинг спорт салоҳиятини ошириш мақсадида спорт тўгаракларини ўтказишга давлат буюртмаси берилган. Мазкур фармойиш асосида тадбиркорлар спортнинг 71 тури бўйича молиялаштирилиб, 4-18 ёшли болалар ўзлари танлаган спорт секцияларида бепул шуғулланишлари мумкин.
– Тадбиркорларнинг аксарияти футбол, сузиш, таэквондо, каратэ, баскетбол ва бокс билан шуғулланишни таклиф қилишди. 2022 йилда давлат буюртмасини амалга ошириш учун маҳаллий бюджетдан 2,3 миллиард тенге ажратилиб, 14 минг болани бепул спорт секциялари билан қамраб олиш режалаштирилган. Умуман олганда, аҳоли жон бошига молиялаштириш спорт инфратузилмасини ривожлантириш, соғлом турмуш тарзини фаол тарғиб қилиш ва янги иш ўринлари яратиш имконини беради», — деди шаҳар Жисмоний тарбия ва спорт бошқармаси бошлиғи Бауржан Туманбаев.
Бугунги кунга қадар 922 нафар тадбиркор давлат спорт буюртмасига ариза топширган бўлса, малака саралаш кўригидан ўтган 85 нафар тадбиркор аризаси маъқулланган.
Муаллиф: Қайрат Зайнишев
