Чимкентда ўт ўчирувчи хавфли ҳудуддан газ баллонини олиб чиқди
2023 йил 16 август куни соат 14:11 да Чимкент шаҳар ФВД «101» га Абай тумани, Қайнарбулоқ дала ҳовлилар массиви Садовая кўчасида жойлашган хусусий уйда ёнғин содир бўлганлиги ҳақида хабар келиб тушган.
Воқеа жойига етиб келган биринчи ўт ўчириш бўлинмалари 120 квадрат метр уйнинг ёнаётганлиги, уйнинг ичида газ баллони борлигини аниқланган», — дейилади Чимкент шаҳар Фавқулодда вазиятлар департаменти хабарида.
Ёнғинни ўчириш, газ баллонини совутиш тезкорлик билан амалга оширилиб, 1-сонли ихтисослаштирилган ёнғин хавфсизлиги бўлими катта ўт ўчирувчи-қутқарувчиси фуқаро муҳофазаси сержанти Нурсултан Амангелдиули Абдуқадиров 50 литр ҳажмдаги газ баллонини ёнғин жойидан хавфсиз ҳудудга олиб чиқиб кетди.
Ёнғин соат 14:36 да изоляция қилиниб, 14:54 да ўчирилди. Ёнғин оқибатида жароҳатланганлар ва қурбон бўлганлар йўқ. Ҳодиса сабаби аниқланмоқда.
Ёнғинни ўчириш учун Чимкент шаҳар ёнғин хавфсизлиги хизматининг 11 нафар ходими ва 2 бирлик техника, офатлар тиббиёт маркази филиалининг бригадаси сафарбар этилган.
