Чимкентда Марказий Осиё мамлакатлари IX халқаро театр фестивали якунлари сарҳисоб қилинди
ASTANA. Kazinform - Чимкентда Жумат Шанин номидаги шаҳар академик қозоқ драма театрининг 95 йиллигига бағишланган Марказий Осиё мамлакатлари театрларининг IX халқаро фестивали якунланди, деб хабар беради Kazinform ички сиёсат ва ёшлар билан ишлаш бошқармасига таяниб.
Фестиваль ҚР Маданият ва ахборот вазирлиги ҳамда Чимкент шаҳар ҳокимлиги кўмагида М.Ауезов номидаги Қозоқ миллий драма театри томонидан ташкил этилди. Фестиваль доирасида Қозоғистон, Қирғизистон, Ўзбекистон, Туркия, Озарбайжон, Қорақалпоғистон ва Татаристоннинг энг сара театрларининг танловли спектакллари бўлиб ўтди.
Санъат ихлосмандлари театр ижодидан тўлиқ баҳраманд бўлдилар. Фестиваль дастуридан Озарбайжон Давлат академик мусиқали театри, Ғ.Мусрепов номидаги Қозоғистон давлат академик болалар ва ўсмирлар театри, “Учур” давлат ёшлар театри, “Дийдор” давлат ёшлар тажриба театр-студияси, Бердақ номидаги Қорақалпоқ давлат академик мусиқали театри, Алания шаҳар театри, Самарқанд вилоят мусиқали драма театри ва Г.Тукай номидаги Атнинский татар давлат драма театрларининг маҳсулотлари ўрин олди.
Фестивалнинг танлов дастурига 9 та спектакль киритилган. Натижада ҳакамлар ҳайъати қуйидаги номинациялар бўйича ғолибларни аниқлади.
Энг яхши эпизодик эркак роли учун мукофот Базарбай Назаримбетовга (“Лувр ўрдак” спектаклидаги оқсоқол роли) берилди. Энг яхши эпизодик аёл образи Бақитгул Асановага (“Юзма-юз” спектаклидаги она роли) насиб этади.
Иккинчи пландаги энг яхши актёр – Марат Хабибуллин («Кар астында кайнар чишмә» спектаклидаги ота роли).
Иккинчи пландаги энг яхши актриса – Севинч Қурбонова (“Масхарабозлар иши” спектаклидаги Ойхон роли).
Энг яхши эркак роли – Фират Онур Дениз (“Чол ва денгиз” спектаклидаги чол роли).
Энг яхши актриса – Молдир Зияева («Атжалман ғасыр» спектаклидаги Жанбике роли).
Энг яхши актёрлик ансамбли – “Улпан” спектакли.
Энг яхши режиссёр – Шамил Диқанбаев (“Юзма-юз” спектакли).
Энг яхши спектакл - Самарқанд вилоят мусиқали драма театрининг “Лайли ва Мажнун” спектакли деб топилди. Бу дунёга машҳур фожиали севги ҳикояси ҳақидаги спектаклдир.
Фестиваль доирасида театр санъатининг таниқли мутахассислари – номидаги театр директори томонидан маҳорат сабоқлари ташкил этилди.
