15:40, 07 Март 2025 | GMT +5
Чимкентда «Гуллар ярмаркаси» бошланди
SHYMKENT. Кazinform – Халқаро хотин-қизлар куни арафасида Чимкент шаҳар ҳокимлиги томонидан шаҳар аҳолиси ва меҳмонларига бағишланган “гуллар ярмаркаси” ўтказилмоқда.
Астана майдонида ташкил этилган байрам ярмаркасида 20 га яқин тадбиркорлар иштирок этиб, турли хилдаги гуллар ва бежирим безатилган гулдасталарни тақдим этди.
Махсус безатилган ҳудуддаги ярмарка ташриф буюрувчиларга байрамона кайфият улашяпти. Байрам шарафига шаҳарликлар гўзал гуллар савдосидан кўнгиллари шодланиб, баҳорнинг тафтини ҳис этади.
Ярмаркада иштирок этаётган тадбиркорлар тозаликни сақлаш талаб этиладиган ягона оқ чодирларда ишламоқда.
