Чимкентда автобус ҳайдаётган Қор бобо кўпчиликни хурсанд қилди

SHYMKENT. Кazinform – Чимкентлик автобус ҳайдовчиси Қор бобо либосида йўловчиларга кўтаринки кайфият бағишлади, деб хабар беради Кazinform мухбири.

Ижтимоий тармоқларда тарқалган 113-йўналишдаги жамоат транспорти ҳайдовчисининг ҳаракати кўпчиликни хурсанд қилди. Автобус шарлар ва безаклар билан безатилган эди ва у Қор бобо кийимида ишга чиқди. Шунингдек, у автобусда ўтирган жажжи болаларга совғалар тарқатди.

Ҳайдовчининг бу ҳаракати ижтимоий тармоқларда кенг муҳокама қилинмоқда. Ўқувчилар ҳам турли фикр-мулоҳазаларни ёзиб, ижодий ғоялари билан халққа хизмат қилаётган инсонга миннатдорчилик билдиришади.

Улар орасида «Хушбичим», «Яхши», «Жамиятда яхши одамлар кўп, сеҳргарлар», «Чимкент ажаблаништиришдан чарчамайди», «У қайси сайёрадан? Чимкентлик ҳайдовчилар жаҳлдор бўлади» каби фикрлар бор.

Муаллиф: Қайрат Зайнишев