Чимкентда 7 килограмм вазнли чақалоқ дунёга келди
ASTANA. Kazinform – 41 ёшли она 7 килограммга яқин болани дунёга келтирди.
Чимкент шаҳридаги 2-сонли шифохонанинг туғруқ бўлимида 41 ёшли она 6700 граммлик чақалоқни табиий йўл билан дунёга келтирди. Бу мамлакатда камдан-кам учрайдиган ҳолат. Бола оиладаги олтинчи фарзанд. Кўп болали она аввал тўрт ўғил ва бир қизни дунёга келтирган.
“Ҳозир онанинг ҳам, боланинг ҳам аҳволи яхши. Энг ҳайратланарлиси, онанинг ўзи баҳайбат фарзандни дунёга келтиргани, на жарроҳлик муолажалари, на мураккаб муолажалар талаб қилинмаган”, – дейди Чимкент шаҳар соғлиқни сақлаш бошқармаси матбуот хизмати.
Эслатиб ўтамиз, йил бошидан буён Чимкентда 6719 нафар чақалоқ дунёга келган. Уларнинг 3271 нафарини қизлар, 3448 нафарини ўғил болалар ташкил этади.
Тошкент вилоятида вазни 7 килодан зиёд қиз туғилгани ҳақида ёзган эдик.
