Чет элликлар Қозоғистонда қандай мавсумий ишларга жалб қилинади

ASTANA. Кazinform – ҚР Меҳнат ва аҳолини ижтимоий ҳимоя қилиш вазирлиги «Мавсумий хорижий ишчилар ўз меҳнат фаолиятини амалга оширишлари учун касблар рўйхатини тасдиқлаш тўғрисида»ги буйруғини эълон қилди, деб хабар беради Кazinform мухбири.

Қозоғистон Республикасининг 2011 йил 22 июлдаги «Аҳоли миграцияси тўғрисида»ги Қонунининг 11-моддаси 14-6-бандига мувофиқ буюраман: Мавсумий хорижий ишчиларни жалб қилиш бўйича касблар рўйхати тасдиқлансин», - дейилади Ashyq НҲА порталида эълон қилинган вазирнинг буйруғида.

Ҳужжатга кўра, мавсумий ишлар учун хорижий ишчи кучини жалб қилувчи касблар рўйхатига қуйидаги соҳалар киритилган:

- боғбонлар ва полиз экинлари ўстирувчилар;

- фермерлар ва сабзавот етиштирувчилар;

- тамаки маҳсулотларини тайёрлаш бўйича ишчилар;

- ўсимликчиликда малакасиз ишчилар;

- чорвачиликда малакасиз ишчилар;

- аралаш ўсимлик ва чорвачилик маҳсулотларини ишлаб чиқаришда малакасиз ишчилар.

Буйруқ лойиҳаси 17 апрелга қадар жамоатчилик муҳокамасига қўйилади.

Муаллиф: Алихан Асқар