Чет элга кўчиб кетмоқчи бўлганлар сони камайиб бормоқда - статистика

ASTANA. Kazinform – 2022 йилда Қозоғистонда яшаш учун рухсатнома олганлар сони 17,4 минг кишини ташкил этди, 24,1 минг киши эса чет элга кўчиб ўтди. Бу ҳақда Kazinform Миллий статистика бюросига таяниб хабар беради.

Статистик маълумотларга кўра, 2018 йилга нисбатан кўрсаткичлар сезиларли ўзгаришларга учраган. Ўшанда 12,7 минг киши хориждан келган бўлса, 41,8 минг киши чет элга кетган. Шу билан бирга, миграция сальдоси -29,1 минг кишидан -6,7 минг кишига камайди.

2023 йил январь-июнь ойларида эса ўтган йилнинг мос даврига нисбатан мамлакатда яшаш учун рухсатнома олганлар сони 13 652 нафарни, Қозоғистонга келганлар сони эса 87,3 фоизга ошган. Биринчи ярим йилликда мамлакатни тарк этганлар сони 6996 нафарни ташкил этиб, ўтган йилнинг олти ойига нисбатан 56,7 фоизга камайган. Натижада миграция сальдоси ижобий натижа кўрсатди – 6656 киши.

Мамлакатнинг асосий миграция алмашинуви МДҲ давлатлари ўртасида бўлган. МДҲ давлатларидан келганлар улуши 89,1 фоизни ташкил этган бўлса, ушбу давлатларга кетганлар улуши 75,4 фоизни ташкил этди.

МДҲ давлатларидан доимий яшаш жойига кўчиб келган 12 100 нафар фуқаронинг 6858 нафари Россиядан келган. Иккинчи ўринда Ўзбекистон (3200), учинчи ўринда Туркманистон (671). Кетганларнинг аксарияти Россияга кўчган (4981).

Жорий йилда бошқа давлатлардан 1,4 минг киши келган, 1,7 минг киши хорижга кетган. Уларнинг аксарияти Қозоғистонга Мўғулистон (275), Хитой (265) ва Туркиядан (163) кўчиб келган.

Мамлакатга миллатлар бўйича январь-июнь ойларида қозоқлар (4706 нафар) кўчиб келган бўлса, руслар (4622), ўзбеклар (593), қорақалпоқлар (498) ва украинлар (452).

Чет элга кўчиб кетган миллатлар бўйича энг кўпи руслар (4249), немислар (924), қозоқлар (516), украинлар (456) ва татарлар (168).

Эслатиб ўтамиз, Қозоғистон аҳолиси 2023 йил 1 июль ҳолатига кўра 19 899 377 кишини ташкил этади.