Чемпионлар лигаси: «Пари Сен-Жермен» ўз майдонида «Бавария»га мағлуб бўлди

ASTANA. Kazinform – 14 феврал куни UEFA Чемпионлар лигаси 1/8 финалининг дастлабки икки ўйини бўлиб ўтди, деб хабар бермоқда Kazinform мухбири.

Учрашувнинг қайд этилган босқичининг биринчи кунида иккита ўйин ўтказилиши режалаштирилган.

Дастлабки учрашувда «Милан» (Италия) ва «Тоттенхэм Хотспурс» (Англия) жамоалари ўз маҳоратларини намойиш этишди.

Ўйин давомида жамоалар гол уриш учун имкониятлар излашди. Бироқ учрашув тақдирини битта гол ҳал қилди. Ўйиннинг 7 дақиқасида «Милан» ярим ҳимоячиси Браим Диас нишондан адашмади.

Шу тариқа Италия клуби 1:0 ҳисобида зафар қучди.

Худди шу ҳисобда Германиянинг «Бавария» жамоаси Франциянинг «Пари Сен-Жермен» клубини мағлуб этди. Ягона голни немис клубидан Кингсли Коман киритди.

Энди 15 феврал куни «Боруссия Дортмунд» (Германия) ва «Челси» (Англия), «Брюгге» (Бельгия) ва «Бенфика» (Португалия) жамоалари тўқнаш келишади.

Фото: MATTHIAS HANGST/GETTY IMAGES

Муаллиф: Адилжан Умбет