Чемпионлар лигаси: “Манчестер Сити” Дания клубини мағлуб этди

ASTANA. Kazinform – UEFA Чемпионлар лигасининг 1/8 финал босқичининг дастлабки иккита учрашуви бўлиб ўтди.

13 февраль куни бўлиб ўтган илк учрашувда "Лейпциг" (Германия) ва "Реал Мадрид" (Испания) ўзаро баҳс олиб боришди.

Учрашув тақдирини 48-дақиқада испанияликлар сафидан Браим Диас томонидан киритилган ягона гол ҳал қилди.

Натижада “Реал Мадрид” 1:0 ҳисобида ғалаба қозонди.

Яна бир учрашувда “Копенгаген” (Дания) ўз майдонида “Манчестер Сити”га (Англия) 1:3 ҳисобида имкониятни бой берди.

Ўйиннинг 10-дақиқасида “Манчестер Сити” футболчиси Кевин Де Брёйне ҳисобни очган бўлса, 34-дақиқада “Копенгаген” футболчиси Магнус Маттссон ҳисобни тенглаштирди.

Инглиз клубидан Бернарду Силва 45, Фил Фоден 92-дақиқада гол урди.

14 февраль куни эса “Лацио” (Италия) ва “Бавария” (Германия), “Пари Сен-Жермен” (Франция) ва “Реал Сосьедад” (Испания) жамоалари ўзаро куч синашади.

Шунингдек, 20 февралда – “Интер” (Италия) ва “Атлетико Мадрид” (Испания), ПСВ (Голландия) ва “Боруссия Дортмунд” (Германия), 21 февралда “Наполи” (Италия) ва “Барселона” (Испания), “Порту” (Португалия) ва “Арсенал” (Англия) ўйнайди.