Чемпионлар лигаси: "Интер" "Атлетико Мадрид"ни мағлуб этди

ASTANА. Кazinform - UEFА Чемпионлар лигаси 1/8 финалида яна иккита ўйин натижалари эълон қилинди.

20 февраль куни Италиянинг “Интер” клуби Испаниянинг “Атлетико Мадрид” жамоаси билан учрашув ўтказди.

Ўйин тақдирини 79-дақиқада Италия терма жамоасидан Марко Арнаутович томонидан киритилган ягона гол ҳал қилди.

Шу тариқа “Интер” 1:0 ҳисобида ғалаба қозонди.

Яна бир ўйинда Нидерландиянинг ПСВ клуби Германиянинг “Боруссия Дортмунд” клуби билан 1:1 ҳисобида дуранг ўйнади.

Учрашувда Германия терма жамоасидан Дониэлл Мален 24-дақиқада ҳисобни очган бўлса, 56-дақиқада нидерландиялик Люк де Йонг ҳисобни тенглаштирди.

Энди 21 февраль куни “Порту” (Португалия) ва “Арсенал” (Англия), “Наполи” (Италия) ва “Барселона” (Испания) майдонга чиқади.

Эслатиб ўтамиз, аввалроқ “Лейпциг” (Германия) “Реал Мадрид” (Испания) клубига 0:1, “Копенгаген” (Дания) “Манчестер Сити” (Англия) клубига 1:3 ҳисобида имкониятни бой берганди.

“Пари Сен-Жермен” (Франция) “Реал Соседад” (Испания) 2:0, “Лацио” (Италия) “Бавария” (Германия) устидан 1:0 ҳисобида зафар қучди.