Чемпионлар лигаси: "Барселона" меҳмонда битта ўйинчи кам бўлган ҳолда ғалаба қозонди

ASTANА. Кazinform — UEFА Чемпионлар лигасининг 1/8 финал босқичининг дастлабки ўйинлари якунланди.

Дунёнинг энг машҳур клубларидан бири каталониялик “Барселона” Лиссабонда “Бенфика” (Португалия) жамоаси билан куч синашди.

Бу ўйинда 22-дақиқада Испания клуби ҳимоячиси Пау Кубарси майдондан четлатилди. 18 ёшу 42 кунлик бўлган П.Кубарси XXI асрда Чемпионлар лигасида қизил карточка олган энг ёш футболчига айланди.

Бир ўйинчи кам бўлишига қарамай, “Барселона” 1:0 ҳисобида ғалаба қозонди. Гол бразилиялик Рафинья томонидан киритилди.

"Барселона" дарвозабони польшалик Войцех Шченс ўйин давомида 8 марта сейв амалга оширди, бу унинг 2003-2004 йилги мавсумдан кейинги энг яхши кўрсаткичидир.

Бу йил Англия премьер-лигасида пешқадамлик қилаётган “Ливерпуль” Парижда “ПСЖ”ни 1:0 ҳисобида мағлуб этди. Харви Эллиотт 87-дақиқада ғалаба голини киритди.

Мюнхеннинг “Бавария” клуби ўз майдонида Германиянинг бошқа бир клуби “Байер”ни 3:0 ҳисобида мағлуб этди. Гарри Кейн иккита гол урган бўлса, Жамол Мусиала ҳам имкониятдан фойдаланди.

Италиянинг “Интер” жамоаси Роттердамда “Фейеноорд”ни 2:0 ҳисобида мағлуб этди. Маркус Тюрам ва Лаутаро Мартинес мезбонлар дарвозасидан бўш жой топишди.

Бир кун аввал Лондоннинг “Арсенал” клуби “ПСВ Эйндховен”ни 7:1 ҳисобида мағлуб этиб, Премьер-лига жамоалари ўртасида рекорд ўрнатди.

Яна бир Англия клуби “Астон Вилла” ҳам меҳмонда Бельгиянинг “Брюгге” клубини 3:1 ҳисобида мағлуб этиб, чорак финалга чиқишга яқин турибди.

“Боруссия” (Германия) ва “Лилль” (Франция) ўртасида 1:1 ҳисоби қайд этилди.

Мадрид дербисида “Реал” ўз майдонида “Атлетико”ни 2:1 ҳисобида мағлуб этди.

Жавоб ўйинлар 11-12 март кунлари бўлиб ўтади ва чорак финалга йўл олган жамоалар аниқланади.

Эслатиб ўтамиз, аввалров Чемпионлар лигасида Мбаппенинг учта голи "Реал Мадрид"га ғалаба келтиргани ҳақида ёзган эдик.