Чехияда ўқ-дорилар ишлаб чиқарувчи завод портлади
Қутқарув хизматларининг хабар беришича, камида бир киши жиддий жароҳатланган ва вертолётда касалхонага етказилган.
Полиция воқеа жойини ўраб олди ва кўчаларни тўсиб қўйди, компаниянинг барча ходимлари эвакуация қилинди. Компания вакилининг дастлабки маълумотларга таяниб айтишича, портлашнинг энг кўп эҳтимоли ишлаб чиқариш жараёнидаги техник хатолик бўлган.
ОАВ маълумотларига кўра, портлаш STV Invest холдингининг портловчи тротил (тринитротолуол, ТНТ) сақланаётган омборида содир бўлган. Бошқа нарсалар қаторида, Полиcка яқинидаги завод артиллерия ўқ-дориларини ишлаб чиқаради. Бундан ташқари, компания пиёда аскарларнинг эски жанговар машиналари, танклари ва гаубицаларини таъмирлайди ва модернизация қилади, фуқаролик секторида эса автобуслар учун эшик тизимларига ихтисослашган.
