Чехияда тўғизқумалоқ бўйича Жаҳон кубоги ғолиблари аниқланди

ASTANА. Кazinform — Чехиянинг Пардубице шаҳрида тўғизқумалоқ бўйича эркаклар ва аёллар ўртасидаги Жаҳон кубоги якунига етди.

Тўғизқумалоқ бўйича давлат мураббийи Даулет Абдикаримовнинг айтишича, классик ва блиц баҳсларида Германия, Чехия, Латвия, Польша, Колумбия, Италия, АҚШ, Руминия, Туркия, Австрия, Украина, Венгрия, Қирғизистон ва Қозоғистон каби 14 давлатдан спортчилар иштирок этган.

Хотин-қизлар ўртасида тўғизқумалоқнинг классик тури бўйича қарағандилик Ансаған Қожанасип ғолиб чиқса, Улдана Махамбетамин иккинчи, латвияликлар Карина Алексеева ва Валерия Кагина учинчи ўринни эгаллади.

Эркаклар ўртасида ғарбий қозоғистонлик Дархан Ануарбеков ғалаба қозонса, қирғизистонлик Сирттан Сирғақ Уули кумуш, астаналик Ерсултан Ауелбай ва яна бир қирғизистонлик Кубаничбек Ибрагимов бронза медалига сазовор бўлди.

Қизилўрдалик Ермуҳамед Алайдар блиц бўйича ғолибликни қўлга киритган бўлса, алматилик Раҳат Айтбаев иккинчи, ақтўбелик Азамат Қайдаров ва қизилўрдалик Бексултан Бостандиқов учинчи бўлди.

Хотин-қизлар ўртасида туркистонлик Аружан Салман блиц бўйича чемпион, чимкентлик Салтанат Сапарбекова кумуш, туркистонлик Асел Далиева ва павлодарлик Аяжан Егинбай бронза медалига сазовор бўлди.