«Чампи» тайфуни Японияга яқинлашса, рекорд даражасида ёғингарчилик кузатилиши мумкин
ASTANA. Kazinform — Япония метеорология агентлиги маълумотларига кўра, «Чампи» тайфуни душанба куни мамлакатнинг жануби-ғарбидаги Кюсю минтақасига яқинлашиши мумкин. Кейинчалик у тропик бўлмаган циклонга айланиб, Сикоку оролининг ғарбий қирғоғи яқинидаги сув ҳудуди томон ҳаракатланади, деб хабар беради JIJI Press агентлиги.
Метеорология агентлиги Япониянинг шарқи ва ғарби бўйлаб чўзилган атмосфера фронти туфайли кучли жала ёғиши хавфи борлигидан огоҳлантириб, аҳолини эҳтиёткор бўлишга чақирди.
Бу йилги 30-тайфун шанба куни тушдан кейин Окинава префектурасидаги Сакисима оролларининг шимолидаги денгиз ҳудуди бўйлаб ҳаракатланаётган эди.
#TAIWAN 🇹🇼 🌀 Il tifone #Champi colpisce la capitale #Taipei con pioggia e forti venti. Il primo bilancio: un morto, alberi e linee elettriche abbattuti, danni ad edifici e strutture, brevi allagamenti e oltre 5.000 evacuati. 📹Reuters https://t.co/DkZ92cykt5
— Asiablog.it (@Asiablog_it) October 24, 2026
#TAIWAN 🇹🇼 🌀 Il tifone #Champi colpisce la capitale #Taipei con pioggia e forti venti. Il primo bilancio: un morto, alberi e linee elettriche abbattuti, danni ad edifici e strutture, brevi allagamenti e oltre 5.000 evacuati. 📹Reuters https://t.co/DkZ92cykt5
— Asiablog.it (@Asiablog_it) October 24, 2026
Маҳаллий вақт билан соат 15:00 да олинган маълумотларга кўра, тайфун Япониянинг энг ғарбда жойлашган аҳоли истиқомат қиладиган Йонагуни оролидан тахминан 250 километр шимолда бўлган. У шимол-шимоли-шарқ йўналишида соатига 20 километр тезликда ҳаракатланган. Тайфун марказидаги атмосфера босими 985 гектопаскални ташкил этган, шамолнинг энг юқори тезлиги эса секундига 30 метрга етган.
Окинава префектурасидаги Ириомоте оролида шанба куни соат 13:40 гача бўлган 48 соат давомида 567 миллиметр ёғингарчилик қайд этилди. Бу маҳаллий рекорд бўлди. Мие префектурасининг Овасе шаҳрида эса соат 17:00 даги маълумотларга кўра, 24 соат ичида 329 миллиметр ёғингарчилик кузатилган.
