13:11, 27 Март 2024 | GMT +5
“Буюк Ипак йўли” турнири: Сағиндиқ Тоғамбай финалга чиқди
ASTANA. Kazinform – Озарбайжон пойтахти Боку шаҳрида ўтказилаётган “Буюк ипак йўли” халқаро турнирида Қозоғистон терма жамоа аъзоларидан Сағиндиқ Тоғамбай (92 кг) биринчи бўлиб финалга чиқди.

Ярим финалда қозоғистонлик боксчи россиялик Рамазон Ханалиев билан куч синашди. У уч раундда ҳам шиддатли ўйин кўрсатди. Учинчи раундда эса рақиблар очиқ кураш олиб боришди. Ҳакамларнинг якдил қарори билан Сағиндиқ ғолиб деб топилди ва финалга йўл олди.
Энди у финалда жаҳон чемпиони, Олимпиада ўйинлари совриндори кубалик Альфонсо Лорен Домингес билан жанг қилади. Бу боксчи Озарбайжон давлати номидан рингга чиқмоқда.