Буюк Британияда болаларга ижтимоий тармоқларда кириш тақиқланиши мумкин
Буюк Британия ҳукумати 16 ёшдан кичик болаларга ижтимоий тармоқлардан фойдаланишни тақиқлаши мумкин. Расмийлар ёшларни интернетдаги зарарли контентдан ҳимоя қилмоқчи, деб хабар беради Кazinform мухбири.
Ҳукумат аллақачон Интернет хавфсизлиги тўғрисидаги қонунни қабул қилди ва уни бузган компанияларга катта жарима солишга қарор қилди. Болалар учун зарарли контентни намойиш қилиш учун платформалар глобал даромадининг 10 фоизини тўлаши керак. Аммо расмийлар бу етарли эмас деган қарорга келди ва энди улар ижтимоий тармоқлардан 16 ёшгача бўлганлар учун фойдаланишни чеклайди.
“Ҳозир биз бу масалани муҳокама қилмоқдамиз. Келажакда ижтимоий тармоқлардан фойдаланишдан олдин болалардан ота-оналаридан рухсат сўралади”, — деди Британия фан вазири Эндрю Гриффит.
Инстаграм ва Пинтерестда зарарли контентни кўриб, ўз жонига қасд қилган 14 ёшли Молли Расселлнинг оиласи хайрия жамғармасини очди. Жамғарма ходимларининг фикрича, телекўрсатув ва радиоэшиттиришлар ҳамда интернетдаги маълумотлар мониторинги билан шуғулланувчи Офcом агентлигига қўшимча ваколатлар берилиши керак.
“Ижтимоий тармоқлар ўзига қарам қилиб, ҳақиқий бўлмаган дунёга бошлайди. Бу ўсмирлар учун хос жой эмас. Шунинг учун назорат қилувчи орган фаолиятини кучайтириш керак”, - дейди жамоат фаоли Бибон Кидрон.
2017 йилдан бери хайрия ташкилотлари ва фаоллар интернетдаги хавфли контентга қарши қаттиқ кураш олиб боришга чақирмоқда. Махсус қонун кузда қабул қилинишидан олдин узоқ кўриб чиқилди. Болаларни ҳимоя қилиш хайрия ташкилотининг маълумотларига кўра, сўнгги олти йил ичида интернет тармоғида болалар ҳаётига қарши 35 мингга яқин жиноятлар қайд этилган.
