Буюк Британия бош вазирининг уйига тўрт киши ноқонуний кирган
ASTANA. Kazinform - Британия полицияси Буюк Британия бош вазири Риши Сунакнинг уйи ҳудудига ноқонуний кирганликда гумонлаб, тўрт кишини ҳибсга олди, деб хабар беради Kazinform агентлиги.
Шимолий Йоркшир полициясининг маълум қилишича, воқеа сешанба куни Англия шимолидаги Кирби Сигстон қишлоғидаги Сунак сайлов округи манзилида содир бўлган.
Ҳуқуқ-тартибот идоралари ходимлари бош вазирнинг уйи ҳудудига нотаниш шахслар кириб келганидан кейин “бир дақиқа ичида” воқеа жойига етиб келди.
“Улар тахминан соат 12:40 да қўлга олинди, шундан сўнг улар ҳудуддан олиб чиқиб кетилди ва ҳудудга ноқонуний равишда кириб келганликда гумонланиб ҳибсга олинди”, - дейилади ҳуқуқ-тартибот идораси хабарида.
Ҳибсга олинганларнинг исм-шарифлари кўрсатилмаган, бироқ улар 20, 21, 43 ва 52 ёшда экани, улар Англиянинг турли ҳудудларидан экани кўрсатилган.
