Бутунжаҳон кўчманчилар ўйинлари: Илк олтин медалга Франция эга чиқди
ASTANА. Кazinform - V Бутунжаҳон кўчманчилар ўйинларининг биринчи мусобақа кунида спортчилар ёмби отишнинг венгер услуби бўйича совринли ўринлар учун баҳслашди.
Ёмби отиш бўйича 27 давлатдан 78 нафар спортчи иштирок этди. Улар 11 та гуруҳга бўлиниб, энг яхшилари сараланди.
Натижада Франция терма жамоаси спортчиси Рафаэль Малет мусобақанинг илк олтин медалини қўлга киритди. Мўғулистон вакили Алтанкуяг Нергию кумуш медалга сазовор бўлди. Франциянинг яна бир вакили Гейтан Блот бронза медалини қўлга киритди.
Кучли бешликка Қозоғистон терма жамоаси аъзоси Абзал Тўлибеков кирди.
“Венгер услубининг ўзига хослиги шундаки, спортчи отдатезроқ чопиб, нишонга тез отиши керак. Ўқлар сонида чеклов йўқ. Қозоғистон дирекцияси барча спортчиларни отлар билан таъминлади. Тўқсонга яқин от тайёрладик. Терма жамоа спортчилари уч ой давомида Кўчманчилар ўйинларига тайёргарлик кўрди. Йил бошидан тўртта машғулот ўтказдик. Ҳар бир спортчи учун индивидуал тактика ишлаб чиқдик”, - деди Ёмби отиш бўйича Қозоғистон терма жамоаси бош мураббийи Елдос Бадашев.
Эслатиб ўтамиз, Қозоғистон терма жамоаси сафида Айтбек Сарибай, Ералхан Айкўз, Батир Бексаут, Абзал Тўлебековлар иштирок этган эди. Спортчилар жаҳон ва Европа чемпионатларида ҳам совринли ўринларни қўлга киритишган.
Спортчилар яқин уч кун ичида 3 та услубда (Осиё, турк, қозоқ) совринли ўринлар учун кураш олиб боради.
