Бугун тунда футбол бўйича Чемпионлар лигасининг иккита ўйини бўлиб ўтади

ASTANА. Кazinform - UEFA Чемпионлар лигаси 1/8 финалининг жавоб ўйинлари бўлиб ўтади.

Бугун «Реал Сосьедад» (Испания) ва "Пари Сен-Жермен" (Франция) жамоалари ўйнайди. Учрашув «Qazaqstan» телеканали орқали 5 мартдан 6 мартга ўтар кечаси соат 00:50 да жонли эфирда намойиш этилади.

Биринчи ўйинда француз клуби 2:0 ҳисобида зафар қучганди.

Айни вақтда «Qazsport» телеканали орқали “Бавария” (Германия) – “Лацио” (Италия) жамоалари ўртасидаги ўйин мухлислар эътиборига ҳавола этилмоқда. Биринчи ўйин 1:0 ҳисобида Италия клуби фойдасига ҳал бўлганди.

6 март куни “Манчестер Сити” (Англия) ва “Копенгаген” (Дания), “Реал Мадрид” (Испания) ва “Лейпциг” (Германия) жамоалари куч синашади.

Шунингдек, 12 март куни “Арсенал” (Англия) ва “Порту” (Португалия), “Барселона” (Испания) ва “Наполи” (Италия), 13 март куни “Боруссия Дортмунд” (Германия) ва ПСВ (Голландия), “Атлетико Мадрид” (Испания) ва “Интер” (Италия) ўйнайди.

Эслатиб ўтамиз, 2023 йилда Англиянинг “Манчестер Сити” клуби ўз тарихида илк бор Чемпионлар лигасида ғолиб чиққан эди. Финалда инглиз клуби Италиянинг “Интер” жамоасини 1:0 ҳисобида мағлуб этди.