Бугун Россия ва Украина ўртасидаги музокараларнинг иккинчи раунди бўлиб ўтади - ОАВ

MOSKVA. TASS - Kazinform – Россия ва Украина делегациялари ўртасидаги музокараларнинг иккинчи раунди бугун Брест вилоятида бўлиб ўтади. Бу ҳақда Россия Федерацияси президенти ёрдамчиси, Россия делегацияси раҳбари Владимир Мединский маълум қилди, дея хабар беради Kazinform ТАСС агентлигига таяниб.

Мединскийнинг айтишича, музокаралар Беларусьнинг Брест вилоятида айни соатларда бошланиши лозим.

«Эрталаб музокаралар жойи ва вақти ўзгаргани ҳақида миш-мишлар тарқалди. Бу ҳақиқат эмас», - деди у.

Эслатиб ўтамиз, икки давлат ўртасидаги музокараларнинг биринчи раунди бўлиб ўтган. Украина президенти Владимир Зеленский Киевнинг Москва билан музокаралари ҳозирча самара бермаганини айтди.