Бугун мамлакат ҳудудида шамол ва чанг бўрони кузатилади — Қазгидромет

ASTANА. Кazinform - “Қазгидромет” РДК 29 июнь куни мамлакат ҳудудида хавфли метеорологик ҳодисаларни башорат қилди.

Қозоғистон ҳудудида кейинги кунларда сезиларли об-ҳаво ўзгаришлари кутилмайди: ёмғир ёғади, шимоли-ғарб ва шимолда кучли ёмғир ёғади. Чақмоқ, дўл, довул кутилмоқда. Фақат Қозоғистон Республикасининг жануби ва шарқида ҳаво ёғингарчиликсиз қолади. Республика бўйлаб шамол кучаяди, жанубда чанг бўрони кутилмоқда.

“Абай, Жетису, Алмати, Павлодар, Жамбил, Шарқий Қозоғистон вилоятларида кундузи жуда иссиқ бўлади.

Алмати вилоятининг шимолида ва марказида, Жетису вилояти шимолида, Абай вилоятининг жанубида жуда иссиқ ҳаво сақланиб қолади.

Қарағанди, Павлодар, Абай, Жетису вилоятларида, Улитау вилоятининг шимоли ва шарқида, Ақмола вилоятининг ғарби ва жанубида, Шарқий Қозоғистон вилоятининг жанубида, Манғистау вилоятининг ғарбида юқори ёнғин хавфи сақланиб қолмоқда. Ақмола вилояти шарқида юқори ёнғин хавфи кутилмоқда”, — деб ёзади синоптиклар.

Туркистон, Жамбил, Қизилўрда, Алмати, Улитау вилоятларида, Манғистау вилоятининг шимолида, Қостанай вилоятининг жанубида, Қарағанда вилоятининг жануби ва ғарбида, Абай вилоятининг жанубида, Жетису вилояти шимоли ва шарқида, Атирау вилоятининг ғарбии ва жануби-шарқида фавқулодда ёнғин хавфи сақланиб туради.