Бугун Қозоғистонда доллар ва рублнинг курси қандай

ALMATY. Kazinform - Астана ва Алмати шаҳарларидаги валюта айирбошлаш шохобчаларида доллар 441-446 тенгедан сотилмоқда, деб хабар беради Каzinform.

Kurs.kz хабарига кўра, Алматида валюта айирбошлаш шохобчаларида 1 долларнинг сотиш курси – 442,3 тенге, сотиб олиш нархи – 444,1 тенге. Астанада сотиш курси – 441 тенге, сотиб олиш курси – 446 тенге.

Миллий банкнинг расмий курсига кўра, 1 доллар – 443,03 тенге.

Россия рублининг ўртача қиймати - 4,91 тенге.

Алматидаги валюта айирбошлаш шохобчаларида Россия рубли 4,85 – 4,93 тенге атрофида сотилмоқда.

Астанада қўшни давлат валютаси 4,84 - 4,94 тенгедан сотилмоқда.

Эслатиб ўтамиз, 23 майдаги кечки савдо якунларига кўра, долларнинг ўртача курси 1,10 тенгега ошиб, 442,96 тенгени ташкил этган.