Бугун Astana Media Week бошланади
Astana Media Week уч кун - 26-28 октябр кунлари бўлиб ўтади. Унинг давомида 150 нафар маҳаллий ва халқаро маърузачилар иштирокида 30 дан ортиқ тадбирлар ўтказилади.
Йилнинг асосий мавзуси «Янги давр – янги медиа». Мавзу лойиҳанинг учта қадриятини очиб бериши керак: янги даврга ишонч, янги замонда профессионаллик ва оммавий ахборот воситаларининг узлуксиз ривожланиши.
Медиаҳафталик «Контент-маркет» кўргазмаси билан бошланади, унда республика ва вилоят телеканаллари, шунингдек, 50 дан ортиқ продюсерлик компаниялари намойиш этилади. Янги теледастурлар, реалити-шоулар, мультфильмлар, бадиий ва ҳужжатли фильмларни тақдим этиш мақсадида очиқ питчинг ташкил этилади. У ерда продакшн-студиялари инвесторлар ва харидорларни топиш учун ўзларининг эксклюзив видео контентини тақдим этадилар. Ёпиқ тематик чиқишлар эса «ҚАЗАҚСТАН» РТРК» АЖ ва «Хабар» агентлиги томонидан ўтказилади.
