Бугун – Амал байрами: Ким ким билан кўришиши керак
ASTANA. Kazinform – Бугун Қозоғистонда март ойининг боши ҳисобланган Амал байрами. Kazinform Амал куни ким ким билан кўришиши кераклиги ҳақида маълумот тақдим этади.

Мамлакатимизда Наврўз байрамини янгича форматда нишонлаш мақсадида 14-23 март кунлари “Наврўзнома ўн кунлиги” деб эълон қилинди. Ғарбий вилоятларда сақланиб қолган, қамрови йилдан-йилга кенгайиб бораётган Амал байрамига бу “Наврўзнома”нинг биринчи куни.
Нима учун Амал куни 14 мартда нишонланади? Манғистаулик ўлкашунос олим Алқажан Едилханнинг жавоби мантиқий кўринади.
“Умуман олганда, боболаримиз Амал байрамида қозоқ халқнинг бирлигини заифлаштирмасдан сақлаб қолиш учун уни муомалага киритган. Узоқ ва яқин ака-укалар бир-бирларининг ҳол-аҳволини билишлари, бир-бирларига қарашлари учун кўришув амали маросими яратилган. Амал куни қайси вақтда бошланади, деган саволга келганда, бу баҳорнинг боши, еру дунё қайта туғиладиган пайт бўлиши керак, деган қарорга келгандек. Қадимги замонда баҳорнинг бошланиши янги ойга тўғри келган. Кейинчалик, биз Россия империяси ҳукмронлигида бўлганимизда, Григориан календарини қабул қилдик. Ўша тақвимга кўра, баҳор туғилиб, ой янгиланган кун 14 мартга тўғри келади. Шунинг учун ҳам энди Амал байрами 14 март куни нишонланади”, – дейди этнограф.
Хўш, Амал кунида ким ким билан кўришиши керак?
“Ёши кичиклар катталарни кўргани боришади. Келин ўзидан катта овусин ва қайнонаси билан кўришишга боради. Жиян амакисининг олдига боради. Келин олган қуда ундан ёшроқ бўлса-да, қиз берган қуданинг олдига бориб кўришади. Қўшни билан кўришиш шарт. Кеча бирга чорва боққан бўлсангиз ҳам, янги йил куни қўшни билан кўришиш шарт. Чунки янги кун келди, Наврўз келди.
Амал байрамини муомалага киритганлар кунига бир марта саломлашишни ва бир йилда бир марта кўришишни омонат қилиб кетган. Қўл бериб кўришиш шарт”, – дейди Алқажан Едилхан.